မိမိ၏ကလေးများကိုကျန်းမာကြံ့ခိုင်စွာနေထိုင်ရန် အားပေးလှုံ့ဆော်ပါ။

ကိုယ်လက်လှုပ်ရှားမှုလေ့ကျင့်ခန်းပြုလုပ်ခြင်းသည်ကျန်းမာသောဘဝပုံစံ၏အရေးကြီးသောအစိတ်အပိုင်းတစ်ခုဖြစ်ပါသည်။ လေ့ကျင့်ခန်းလုပ်ရန်အချိန်မယူလျှင်ဖျားနာမှုအတွက်အချိန်ယူရပါလိမ့်မည်။ သို့သော် ၂၀၁၈ ခုနှစ်လေ့လာမှုအရအင်ဒိုနီးရှားနိုင်ငံသားအများစုသည်တစ်ပတ်လျှင်နှစ်နာရီခန့်လေ့ကျင့်ခန်းလုပ်ကြသည်။  Jakarta Post ဆောင်းပါးအရဂျကာတာရှိကလေး ၅ ရာခိုင်နှုန်းသာရုပ်ပိုင်းဆိုင်ရာအရကျန်းမာကြပါသည်။ ကလေးများသည်ရုပ်မြင်သံကြား၊ ကွန်ပျူတာ၊ တယ်လီဖုန်းနှင့်အီလက်ထရောနစ်ဖန်သားပြင်နောက်ကွယ်တွင်အချိန်များစွာကုန်လွန်နေကြပါသည်။

 

ကိုယ်လက်ကြံ့ခိုင်မှုမရှိပါကနှလုံးသွေးကြောနှင့်နာတာရှည်ရောဂါများအပြင်စိတ်ပိုင်းဆိုင်ရာရောဂါများဖြစ်နိုင်ခြေကိုတိုးစေပါသည်။ သို့သော်ကလေးများကိုလေ့ကျင့်ခန်းပြုလုပ်စေရန်အတွက် မည်သို့လှုံ့ဆော်ပေးနိုင်သနည်း။

ကလေးများအားရုပ်ပိုင်းဆိုင်ရာပိုမိုတက်ကြွစေရန်မည်သို့ပြုလုပ်ရမည်နှင့်ပတ်သက်၍ သိကောင်းစရာအချက် (၁၀)ချက်ကိုလည်း ဖော်ပြထားခဲ့ပြီးဖြစ်ပါသည်။

 

၁။ စံပြပုဂ္ဂိုလ်တစ်ယောက်ဖြစ်ပေးခြင်း။

 

ဤအရာသည်သိသာထင်ရှားသည့်အချက်တစ်ခုဖြစ်သော်လည်း မိဘများမေ့နေတတ်ကြပါသည်။ ကလေးများသည် မိမိ၏အပြုအမူများကိုတုပတတ်သည့်အတွက် မိမိအနေနှင့်ဥပမာကောင်းတစ်ခုဖြစ်ပြီး လေ့ကျင့်ခန်းပုံမှန်ပြုလုပ်ပါက သူတို့သည်လည်း ကျန်းမာစေသည့် အပြုအမူများကိုအတုခိုးလာမည်ဖြစ်ပါသည်။ အကျိုးကျေးဇူးကောင်းများရရှိစေရန်အတွက် မိသားစုဝင်များအကုန်လုံးပါဝင်၍ လေ့ကျင့်ခန်းပြုလုပ်နိုင်ရန်ကြိုးစားသင့်ပါသည်။

 

၂။ တတ်နိုင်သမျှ လမ်းလျှောက်ခြင်း/ စက်ဘီးစီးခြင်း။

 

အနီးအနားရှိနေရာတစ်နေရာသို့သွားရန်လိုအပ်လာသည့်အခါတိုင်း၊ လမ်းလျှောက်သွားရန် (သို့မဟုတ်) စက်ဘီးစီးသွားရန်ကြိုးစားပါ။ ထိုသို့ပြုလုပ်ခြင်းသည် မိမိသာမက ကလေးများအတွက်ပါ ကျန်းမာရေးအတွက်အထောက်အကူပြုသည့်အပြင် ပတ်ဝန်းကျင်ကိုပါအကျိုးပြုစေပါသည်။

 

၃။ ရုပ်မြင်သံကြား၊ ကွန်ပျူတာနှင့်ဆဲလ်ဖုန်းများအသုံးပြုခြင်းကို ကန့်သတ်ထားရှိခြင်း။

 

ဒစ်ဂျစ်တယ်စွမ်းရည်ကိုလေ့လာခြင်းသည်ကလေးများ၏ပညာရေး၏အရေးကြီးသောကဏ္ဍတစ်ခု ဖြစ်သည်ဟုကျွန်ုပ်တို့ယုံကြည်သော်လည်း အသုံးပြုသည့်အချိန်များကို ကန့်သတ်ထားသင့်ပါသည်။ ကလေးသူငယ်များကြီးထွားဖွံ့ဖြိုးလာသည်နှင့်အမျှလူမှုရေးကျွမ်းကျင်မှုစွမ်းရည်များဖွံ့ဖြိုးတိုးတက်ရန်အတွက် ဒစ်ဂျစ်တယ်သည် ပို၍ အရေးကြီးလာသည်။ သူငယ်ချင်းများနှင့်အပြင်တွင်ကစားခြင်းကဲ့သို့ အခြားပျော်ရွှင်စရာကောင်းသောအရာများရှိသေးကြောင်း ကလေးများအား ပြသပေးသင့်ပါသည်။

 

“ လေ့ကျင့်ခန်းလုပ်ဖို့အချိန်မရှိဘူးဆိုရင်ဖျားနာဖို့အချိန်ယူရမယ်” – ကွန်ဖြူးရှပ်

 

၄။ ကလေးများကိုအိမ်မှုကိစ္စများတွင်ပါဝင်စေခြင်း။

 

ကလေးများအား မြက်ရိတ်စေခြင်း (သို့မဟုတ်) အိမ်သန့်ရှင်းရေးပြုလုပ်ရာတွင် ဝင်ရောက်ကူညီစေနိုင်ပါသည်။ ထိုသို့ပြုလုပ်ခြင်းသည် သူတို့ကို တက်ကြွလန်းဆန်းစေပြီး တစ်ချိန်တည်းတွင်သူတို့ကို စည်းကမ်းများနှင့်ပတ်သက်၍ သင်ကြားပေးနိုင်ပါသည်။

 

၅။ ပျော်စရာကောင်းသည့် အားကစားပြုလုပ်ခြင်း။

 

ကလေးများကပျော်ရသည်ကိုကြိုက်နှစ်သက်ပါသည်။ မိမိသည်ကာယလှုပ်ရှားမှုအားပျော်ရွှင်စရာကောင်းပြီး တက်တက်ကြွကြွလုပ်ဆောင်ပြနိုင်ပါက ကလေးများသည်နောင်တွင် လေ့ကျင့်ခန်းများဆက်လက်လုပ်ဆောင်သွားမည့် အခွင့်အလမ်းပိုရှိပါသည်။ လေ့ကျင့်ခန်းလုပ်နေစဉ် သီချင်းဖွင့်ခြင်း (သို့မဟုတ်) ဆုများနှင့်ယှဉ်ပြိုင်ခြင်း စသည့် သူတို့နှစ်သက်သည့်ကစားနည်းတစ်ခုကိုရွေးချယ်ပြီးဆောင်ရွက်နိုင်ပါသည်။ဂိမ်းကစားခြင်းနည်းအားဖြင့် ကလေးများ၏စိတ်ဝင်စားမှုအဆင့်ကိုမြင့်တက်စေနိုင်ပါသည်။

 

၆။ အခြားသူများအားပါဝင်စေခြင်း။

 

အားကစားကိုလူမှုရေးလှုပ်ရှားမှုတစ်ခုဖြစ်စေပါကကလေးများသည်အားကစားကိုပိုမိုနှစ်သက်ကြပါလိမ့်မည်။ မိမိတို့နှင့်အတူပါဝင်လုပ်ဆောင်ရန် မိမိကလေး၏သူငယ်ချင်းများကိုဖိတ်ကြားနိုင်ပါသည်။ အားကစားကိုလူမှုရေးလုပ်ဆောင်ချက်တစ်ခုအဖြစ်သတ်မှတ်ခြင်းသည် အလေ့အကျင့်တစ်ခုကို ထိန်းသိမ်းထားနိုင်ရန်အတွက် အရေးပါသောအချက်တစ်ချက်ပင်ဖြစ်ပါသည်။

 

၇။ အားကစားနှင့်ပတ်သက်သောလက်ဆောင်များပေးခြင်း။

 

မိမိကလေး၏မွေးနေ့ (သို့မဟုတ်) အားလပ်ရက်များရှိပါက အားကစားကိုအားပေးတဲ့လက်ဆောင်တွေကိုပေးနိုင်ရန်ကြိုးစားသင့်ပါသည်။ ဥပမာအားဖြင့်စက်ဘီးများ၊ အားကစားအဝတ်အစားများ (သို့မဟုတ်) ဖိနပ်များ၊ တင်းနစ်ဘက်တံ (သို့မဟုတ်) ကြက်တောင်ဘက်တံစသည်တို့ဖြစ်ပါသည်။

 

ကလေးများကို လေ့ကျင့်ခန်းပိုမိုလုပ်ဆောင်ရန်တိုက်တွန်းနိုင်သည့်ဤအကြံပြုချက်များကိုယနေ့ပင်စတင်အသုံးပြုပါ။ သူတို့ကို တွန်းအားပေးခြင်းမျိုးမဟုတ်ပဲ လမ်းညွှန်ပေးနိုင်ရန် အလွန်ပင်အရေးကြီးပါသည်။ မိမိအနေနှင့် လေ့ကျင့်ခန်းကိုပျော်စရာကောင်းအောင်ပြုလုပ်နေပါက သူတို့သည်အလိုအလျောက်လေ့ကျင့်ခန်းလုပ်လိမ့်မည်။ ဤနည်းအားဖြင့်သူတို့ကို ပို၍ ကျန်းမာသောဘ၀တစ်ခုတွင်နေထိုင်ရန် ကူညီပေးခြင်းမျိုးပင်ဖြစ်ပါသည်။

 

စင်ကာပူအပြည်ပြည်ဆိုင်ရာကျောင်းသည်အားကစားကို၎င်း၏သင်ရိုးညွှန်းတမ်းတွင်ထည့်သွင်းအသုံးပြုထားပါသည်။ ကျွန်ုပ်တို့သည်ကျောင်းသူကျောင်းသားများအနေဖြင့်ကြက်တောင်ရိုက်ခြင်း (သို့မဟုတ်) ဘောလုံးကစားခြင်းကဲ့သို့သောသင်ရိုးညွှန်းတမ်းပြင်ပလှုပ်ရှားမှုများပြုလုပ်ရန်တိုက်တွန်းလိုက်ရပါသည်။

 

 

မိမိ၏ကလေးများသည်သူတို့၏ကျောင်းတွင်ကျန်းမာသောဘဝပုံစံကို လိုက်နာကျင့်သုံးမှုရှိကြောင်းသိရှိလိုပါသလား။ ယခုပင် သူတို့ကိုစင်ကာပူနိုင်ငံတကာကျောင်းတစ်ခုတွင် ကျောင်းအပ်နှံလိုက်ပါ။

 

1 Statista Research Department. (2018 16). Indonesia – number of hours spent on exercise/participating in sport activities 2016-2018. Retrieved March 26, 2020, from https://www.statista.com/statistics/562524/indonesia-number-of-hours-spent-on-exercise-participating-in-sport-activities/

2 The Jakarta Post. (2018, October 17). Only 5 percent of Jakarta’s children physically fit.. Retrieved March 26, 2020, from https://www.thejakartapost.com/news/2018/10/17/only-5-percent-of-jakartas-children-physically-fit-says-official.html

3 Singapore International School. (2018, November 7). Enrol Now. Retrieved March 26, 2020, from https://sisschools.org/enrol-now